الرئيسية / أخبار / ازاى اخلى ولادى يتحملوا المسئولية

ازاى اخلى ولادى يتحملوا المسئولية

ازاى اخلى ولادى يتحملوا المسئولية

الموضوع بيبتدى من وهم صغيرين .. فى مراحل مشيه الاولى لما يقع اسيبه مااتخضش واقوم واسيبه يقوم لوحده .. ولما يقوم اخد حضن جميل وضحكة رقيقة .. بيبص على تعبيرات وشك علشان يطمن لو حس انك مخضوضة حيسوق فيها ويشتغل عياط بمناسبة وبدون .
لما يعوز يشرب او ياكل اسيبه ياكل ويشرب .. حتقولولى حيبهدل الدنيا ؟؟ كلنا بهدلنا الدنيا . هو من حقه ييحس انه يقدر ويمسك الكوباية ويشرب وكذلك الاكل .. بلاش نكسر فيهم ودى سنين البنيان .

لما يكبر شوية اخيره بين لبسين علشان يحس انه بيختار .. وكذلك فى اى اختيار

لما يكبر شوية وييجى يختار لبس او لعبه .. لازم يتحمل نتيجة اختياره يعنى بعد مااشترتيله الشوز مش بعدها بيومين يجى يقولك. مش بحبه او مش عاجبنى عاوز واحد تانى .. حتقوليله بمنتهى الحنية حبيبى انا حاسة بيك بس انت اللى اختارته .. مش حقدر اجيب واحد تانى دلوقت .

حتيجوا تسالونى .. واللى مبتداش من سن صغير . هل حينفع يتغير ؟؟

اه طبعا بس حيبقى فيه مقاومة من الطفل ورفض وعياط .. .طبعا حياخد وقت اكبر فلازم نكون متقبلين ومستوعبين ده

السن الاكبر حتدخلوا فى نقاشات اكبر من لعبة وشوز .. وحندخل فى مصروف وفلوس واختيارات مدارس ومدرسين وامتحانات
من البداية لازم هو يتحمل نتيجة قراراته .. لو اخطا بلاش جو الامهات المصرى انا قلتلك .. لو كنت سمعت كلامى ..
الفكرة دايما مش،انتقام او تشفى انه مسمعش كلامك .. الفكرة دايما ايه الدرس اللى اتعلمه من سوء اختياره والفت نظره للصح واللى مفروض يتعمل

عن أميرة السنطاوي

شاهد أيضاً

ترند تويتر ( اسأل المواهب ): إطرح أسئلتك على المشتركين من خلال هاشتاغ #اسأل_المواهب وسيجيبون عليها خلال الحلقة #MBCTheVoice

#اسأل_المواهب حسين بن حاج ما هي الاكلة التي تبرع في طبخها ؟ #houcinebenhadj #حسين_خاطير #حسين_بن_حاج …

Powered by 3Lama.Net